SITTIMANA SANTA
Cust'annu a Sittimana Santa l'emi fatta cumpletta ind'I Peri. I Via Cruci a dumenica, l'uffiziu di u Ghjovi Santu, a prucissioni di u Vennari Santu è a messa di a dumenica di Pasqua. S'hè impignata A Cunfraternita di san Larenzu da fà chì issa sittimana fussi tali à ciò ch'eddi faciani i nostri antichi o omancu ind'u listessu spiritu. Ci hè statu assai mondu chì hà participatu à tutti issi cirmonii, a ghjesgia era piena à ogni volta, è u nostru vechju paesi hà ritrovu una cria di vita.